About me

ဟိုမရောက် ဒီမရောက် ဘဝတစ်ခုရဲ့ ဟိုမရောက် ဒီမရောက် အတွေးတစ်ချို့ရယ်၊ ခံစားချက်တစ်ချို့ရယ်၊ အတွေ့အကြုံတစ်ချို့ရယ်ကို (စိတ်ပါသလို၊ အဆင်ပြေသလို) ရေးတင်ထားတာပါ၊ ရေးတင်နေမှာပါ၊ စီးပွားရေးအတွက် မဟုတ်သလို၊ ကျော်ကြားမှုအတွက်လည်း မဟုတ်ဘူး၊ အချိန်မပေးနိုင်ရင် ဒီကနေ လှည့်ပြန်နိုင်ပါတယ် ခင်ဗျာ။

ကျွန်တော့်အကြောင်း အနည်းငယ် မိတ်ဆက်ရရင် ကျွန်တော်က ကိုယ့်လွတ်လပ်မှုနဲ့ကိုယ် အကျဉ်းကျနေတဲ့ သားကောင်တစ်ကောင်ပါ၊ အဆင်မပြေတဲ့ ခံစားမှုများများနဲ့ အသက်ရှင်နေပါတယ်၊ ခင်ဗျားတို့လို သာမန်လူတစ်ယောက်ပါပဲ၊ ပြုံးတတ်တယ်၊ ရယ်တတ်တယ်၊ ငိုတတ်တယ်၊ ခင်ဗျားတို့လိုပဲ မေတ္တာတရားနဲ့ ကြင်နာမှု လိုအပ်တယ်၊ အမြဲပြုံးနေတယ်လို့ လူအများက ပြောကြပေမယ့်၊ လူမုန်းများတဲ့ ပါးစပ်တစ်ပေါက်ပါခဲ့တော့ ကျွန်တော့်ကို ချစ်ဖို့ခင်ဖို့ကြင်နာဖို့ထက် မုန်းဖို့ ပိုလို့ လွယ်ကူပါတယ်၊ သင်ယူရတာတော့ ဝါသနာပါတယ်၊ တတ်နိုင်သလောက် ကူညီတတ်တယ်၊ တစ်ခါတစ်ခါ အစွန်းရောက် တွေးတတ် လုပ်တတ်တာက လွဲလို့ မကောက်ကျစ်တတ်ဘူး။ ဒါလောက်ပါပဲ။

                                                                                                                          အားလုံးကို ကျေးဇူးတင်လျက်
                                                                                                                                                              ညီမင်းခ https://nyiminkha.net
                                                                                                                                                              email = mail@nyiminkha.net