အတ္တကို အသံထွက်ဖတ်ကြည့်ခြင်း

တစ်ချို့က လမ်းမတွေပေါ်မှာ
တစ်ချို့က အဲယားကွန်းခန်းထဲမှာ
တစ်ချို့က ကွန်ပျူတာဖန်သားပြင်ပေါ်မှာ
လားရာတစ်ခုကို ကိုယ်စီရှာဖွေလို့
မိုက်တွင်းတူးတဲ့ ဂေါ်ပြားသံတွေလည်း
ဆူလို့ ညံလို့ ။
အမှန်တရားဆိုတာ
ကိုယ့်အတွေးအခေါ်ထဲမှာရှိသတဲ့
ငါ့အမှန်တရားကိုရော ဘယ်နားသွားထားရမလဲContinue Reading

ကဗျာမရေးဖြစ်တဲ့နေ့ ပန်းပုထုကြည့်ခြင်း

အိမ်ပေါက်စေ့အောင် ရောက်တဲ့လောကဓံကို
ဧည့်ထောက်ခံကြိုဆို
ဒီမောင်ကို
တို့တစ်မိသားစုလုံးက
မပြန်ချင်အောင်ဆွဲဆောင်ထားလိုက်တယ်။

ထွန်တုံးကို မျိုမိတဲ့ စပါးကြီးမြွေလို
မာနဟာ
လေထီးမပါပဲ ခုန်ချ
သူကလေဟုန်စီးလာတယ်။

လိုက်ပါသူတွေကော
လိုက်ပို့သူတွေပါ စည်ကားလွန်းတဲ့ညနေ
လရောင်ရေ မင်းက လက်ပိုက်ကြည့်နေသူလား
ကွေးသောလက် မဆန့်ခင်လေးပါကွာ။

ပြဿနာကို မေ့ဆေးပေးပြီး
ခွဲစိပ်ကုသကြည့်ရင်ကောင်းမလား
လောဘရဲ့ ကြိုးဆွဲရာကနေကြရ
ရင်ဆိုင်တိုက်ပွဲတွေနဲ့မောပန်းနေကြရ
အလင်္ကာမဲ့ကောင်းကင်ထဲမှာတော့
ဝါကျတွေက မရှင်သန်တော့ဘူးပေါ့။

ဟောဒီ ကျောက်တုံးထဲမှာ
ဘီလူးတစ်ကောင်ရှိနိုင်သလို
အလှနတ်သမီးတစ်ပါးလည်း ရှိနိုင်တာပဲ။

မလိုတာတွေဖယ်ထုတ်
ဖယ်ထုတ်ပစ်လိုက်တာနဲ့
အတ္တတွေကို အကုန်စင်အောင်
အသွေးအသားထဲကနေ
အဆုံးတိုင် ဖောက်ထုတ်
ဖောက်ထုတ်ပစ်လိုက်တာနဲ့
အဲဒီ ကျောက်တုန်းထဲမှာ။

မောင်နီဦး(မန္တလေး)

ပို့စ်လည်းတင်ချင်တယ် ဘာတင်ရမှန်းလည်းမသိဘူးဖြစ်နေတယ်ဗျာ
ဒါနဲ့ကျွန်တော်ကြိုက်တဲ့ ကဗျာတစ်ပုဒ်ပဲ ကောက်တင်လိုက်တယ်။

 

အသံများ

အသံတွေ…အသံတွေ
ခင်ဗျားတို့ ကြားကြရဲ့ လား
ကိုယ့်မူရင်း ကိုယ်မိတ္တူပွားရင်း
နေ့ခင်းတစ်ခု ပီသကြောင်းပြဖို့
ကန္တာရကို လိုက်ရှာနေစရာမလိုတော့
အရိပ်က သမိုင်းစာအုပ်ထဲတိုးဝင်နေ
ခင်ဗျား စွန့်ပစ်ရမယ့်စာရင်းမှာ
ခင်ဗျားနာမည်ပါတယ်ဆိုတာ
မေ့ထားလိုက်Continue Reading

ယနေ့ရနိုင်သော စားသောက်ဖွယ်ရာများ

၁။ ရသကိုးပါးလွတ်ကဗျာ
၂။ အပျော်ဖတ်စာရေးဆရာများ
၃။ ပုံသေရိုက်စက်နဲ့ထုတ်လုပ်ထားသော Hip Hop သီချင်း
၄။ သုံးသောင်းတန် ရှိုးပွဲလက်မှတ်
၅။ စတိုးဆိုင်ထဲက ကော်ပတ်ရုပ်ရဲ့အပြုံး
၆။ ပေါက်ဈေးကြည့်ရင်ခုန်တတ်သော အချစ်စစ်များ
၇။ လူတန်းစားမရွေးစားသုံးနိုင်သော ဟာသများContinue Reading

ချစ်သူနာမည်

ကိုယ့်ခါးသက်သက်ဒိုင်ယာရီမှာ
ကိုယ့်ရှေ့တည့်တည့်က ပစ္စလက်ခတ်မြင်ကွင်းတွေပေါ်မှာ
အလုပ်မရှိ ယိမ်းထိုးနေတဲ့ သစ်ရွက်တွေပေါ်မှာ
မင်းနာမည်ကိုယ်ရေးတယ်
ဟိုး အဝေးက ကုန်းကုန်းကွကွ သက်တံတွေပေါ်မှာ
ကတ္တရာလမ်းမပေါ်က ချွေးတလုံးလုံး တံလျှပ်တွေပေါ်မှာ
အကြော်သည်ဗန်းထဲက စာကလေးတွေရဲ့ တောင်ပံပေါ်မှာ
မင်းနာမည်ကို ကိုယ်ရေးတယ်
အိမ်ခြေရာခြေ မရှိတဲ့ တိမ်သားတွေပေါ်မှာ
ခေါင်ချင်တိုင်းခေါင်နေတဲ့ ကန္တာရ မိုးစက်တွေပေါ်မှာ
မင်းနာမည်ကို ကိုယ်ရေးတယ်Continue Reading