နွေရက်များကို ဖြတ်သန်းခြင်း

(၁)

အိပ်ရာဘေး နံရံပေါ်က ဝှိုက်ဘုတ်မှာ အကြွေးစာရင်းတွေ ရှည်ရှည်လာသလို ကိုယ့်သက်ပြင်းတွေ ရှည်ရှည်လာတယ်။ ဒုက္ခတံဆိပ်ဟောင်းနဲ့ ထူးမခြားနား နေ့များကြား ကိုယ့်သက်တမ်းက ကြမ်းတမ်းဆဲ။ ဒီလို ကန္တာရဆန် နေရခြင်းမှာ ဘဝဆိုတာက အသည်းကွဲသီချင်း တစ်ပုဒ်လောက်တောင် ခမ်းခမ်းနားနား မဖြစ်ခဲ့။ ဆွဲဆုပ်ပစ်ခံလိုက်ရတဲ့ စာရွက်များစွာဟာ ကိုယ့်အနာဂါတ်တို့များလား။ ပျိုးခဲ့တဲ့ ယာခင်းပေါင်း သောင်းခြောက်ထောင် ဟာလည်း ပိုးထိုးလို့။ ဆိုတော့ … အတ္တနဲ့ကျစ်တဲ့ ကြိုးတွေတောင် တဖြေးဖြေး ဆွေးမြေ့နေပေါ့။

(၂)

ငါ့ခရီးဖော်ရေ… ဟောဒီမြို့ကြီးမျက်မည်းထဲ ငါ့မှာ သဇင်နံ့မရ နှင်းဆီနံ့မရနဲ့။ ဒါနဲ့တောင် ငါက ဘဝတစ်ခုလုံးရဲ့ အလင်္ကာတွေနဲ့ မင်းပုံတူကို ဖွဲ့သီချင်နေသေးရဲ့။ ပန်းပွင့်တွေ ဝတ်မှုန်ကူးသလို တို့တွေ ဝေဒနာချင်း ထုံကူးမယ့်နေ့ ဘယ် အချိန်ရောက်ရောက် ငါစောင့်နေတယ်၊ မင်းရှိရင်တော့ ဘယ်လို နဂ္ဂတစ်ဝါကျမျိုးဖြစ်ဖြစ် ငါ ပြောင်းလဲပစ်နိုင် ကောင်းပါရဲ့။ ခုတော့ ငါ့ရဲ့လားရာလမ်းတစ်လျှောက် အသေအချာ ချိန်ရွယ်ပစ်ခတ်ခံရတဲ့ ဒဏ်ရာတွေ ဒလစပ်တိုက်စားခံနေရလို့။ တစ်ခါတစ်ရံ အပေါစားဆန်တဲ့ ရယ်မောမှုထဲမှာတောင် ငါဟာ ကိုယ့်ကောင်းကင်နဲ့ ကိုယ်ငြှိနေတဲ့ ပင့်ကူမျှင်လေး တစ်မျှင် ဖြစ်ခဲ့တယ်။

Continue Reading

လေတွင်ရေးသော ဝါကျများ

(၁)

အခြေအနေအရ၊ မြင်နေရသော ကောင်းကင်တွင် မျောလွင့်နေသော တိမ်စိုင်တိမ်သား တစ်ချို့မှလွဲ၍၊ မိုး၏ အရိပ်အယောင်ကို မမြင်ရတော့၊ ကောင်းကင်မြင်ကွင်းက ကြည်လင်စွာ လှပ၍နေသည်။  နှင်းမှုန် ပါးပါးလေးများက သည်ဆောင်းဦးရဲ့ ခြေသံလေများလား။ သစ်ရွက်တစ်ချို့ ကြွေသက် လှုပ်ခပ်အောင် တိုက်ခတ်နိုင်စွမ်းသော လေပြေငယ်၊ ငါ့ရင်ကို ရေကြည် တစ်ပေါက်လောက် ဆောင်ကြဉ်းခဲ့စမ်းပါကွယ်။ ထိုင်းမိုင်းမူးဝေနေသော ငါ့နှလုံးသားငယ်ကို လင်း လက်အောင် ပြုစုပေးလှည့်ပါ့။

Continue Reading

လွတ်ကျသွားသော နေ့စွဲများအကြောင်း

ဒီပို့စ်ကို ဖတ်ခြင်းဖြင့် တစ်ခုခုကို သင်မျှော်လင့်ခဲ့လျင် သင်၏မျှော်လင့်ချက်သည် မှားယွင်းမှုတစ်ခုသာ ဖြစ်ကြောင်း ကြိုတင်၍ အသိပေးပါသည်။

ကျွန်တော်က ဆရာဇော်ဇော်အောင် ပြောသည့် အက်ဆေးဝါဒဖြင့် စာတစ်ပုဒ် စမ်းသပ်ရေး ကြည့်ရန် ကြိုးစား ကြည့်နေသည်ဟု ပြောပါမည်။

အစ= နေသားတကျဖြစ်နေသော အဆင်မပြေမှုတစ်ချို့ကို ခဏမေ့ထား၍ တဒင်္ဂပျော်ရွှင်မှုကို ရှာဖွေ တတ်သည်မှာ လူသား၏ သဘာဝတစ်ခုပင် ဖြစ်သည်ဟု ကျွန်တော်ပြောသောအခါ ကောင်မလေးများအတွက် အပျော်ဖတ်ဝတ္ထု တစ်ပုဒ်မျှလောက်ပင် ဆွဲဆောင်မှုရှိမည်မဟုတ်ပါ။ (လောင်းလိုက လောင်းနိုင်ပါသည်)

Continue Reading