ကျောင်းမနေခင်စိတ်

စိတ်ပညာရှင်များက လူတို့၏ စိတ်ကို (၁)ငါးနှစ်သားစိတ် (၂)ဆယ်နှစ်သားစိတ် (၃)ဆယ့်ငါးနှစ်သားစိတ်ဟု ဥပမာဖြင့် သုံးမျိုးခွဲပြသည်။ ထိုသုံးမျိုးတွင် ငါးနှစ်သားစိတ်ကို “ကျောင်းမနေခင်စိတ်” ဟု ရည်ညွှန်းခြင်း ဖြစ်သည်။ ငါးနှစ်သားအရွယ်များဟာ ထူးဆန်းထွေလာ ပုံပြင်များ၊ ယုတ္တိလွန် စွန့်စားခန်းများကို စိတ်ဝင်စားကြသည်။ အလင်းနှင့် အမှောင်၊ အဆိုးနှင့် အကောင်းတို့ ပဋိပက္ခ ဖြစ်စဉ်ကို ကြည့်၍ အမှောင်ကို သင်ယူကာ အလင်းဖက်၌ နေချင်ကြသည်၊ ငါးနှစ်သားများ၏ စိတ်သည် အဖြူမဟုတ်လျှင် အမည်း၊ အမည်း မဟုတ်လျှင် အဖြူ နှစ်မျိုးသာ အားပြိုင်ကြသည် ဟုဆိုသည်။

Continue Reading

စိတ်ကူးလွန်ခေတ်၊ လက်တွေ့ကြည့်ဝါဒနှင့် ပညာစီးကြောင်း

ယနေ့ခေတ်ကို နိုင်ငံရေး သိပ္ပံပညာရှင်များက post-ideology era (စိတ်ကူးလွန်ခေတ်) ဟု ခေါ်ဆိုကြသည် ဟုဆိုသည်။ ဆိုလိုသည်မှာ အိုင်ဒီယိုလိုဂျီကို နိုင်ငံရေးနှင့်တကွ နယ်ပယ် တော်တော်များများ၌ အသုံးမပြုကြတော့သည့် သဘောပင်။ စစ်အေးခေတ်သည် အိုင်ဒီယိုလိုဂျီခေတ် ဖြစ်သည်။ ယင်းခေတ်တွင် စူပါပါဝါ နှစ်နိုင်ငံဖြစ်သည့် ဆိုဗီယက်ယူနီယံနှင့် အမေရိကန်တို့ ဆိုရှယ်လစ်နှင့် အရင်းရှင် အိုင်ဒီယိုလိုဂျီချင်း အားပြိုင်ကြရာ ဆိုဗီယက်ယူနီယံ ပြိုကွဲသွားသောကြောင့် အရင်းရှင် အိုင်ဒီယိုလိုဂျီနှင့် ဆိုရှယ်လစ် အိုင်ဒီယိုလိုဂျီကိစ္စ နိဂုံးချုပ်သွားခဲ့သည် ဟုဆိုသည်၊ သို့သော်လည်း ၎င်းအယူအဆနှင့် ပတ်သက်၍ ပညာရှင်များ အငြင်းပွားနေ ကြဆဲပင်။ အမေရိကန်သမ္မတ ရွေးကောက်ပွဲ ဝင်စဉ်က ရီပတ်ပလီကင် သမ္မတလောင်း ဂျွန်မက်ကိန်းက အကြမ်းဖက်ဝါဒ ဆန့်ကျင်ရေးစစ်ပွဲ ဆိုသည်မှာ အိုင်ဒီယိုလိုဂျီစစ်ပွဲဟု သုံးနှုန်းခဲ့သည်။ အမေရိကန်သည် အစွန်းရောက် အစ္စလမ်ဝါဒီနှင့် တိုက်ခိုက်ရသောကြောင့် အမေရိကန်နှင့် အစွန်းရောက် အစ္စလမ်ဝါဒီတို့ အိုင်ဒီယိုလိုဂျီချင်း ပဋိပက္ခ ဖြစ်ကြရသည်၊ ဤကိစ္စကို ထောက်ပြ၍ တစ်ချို့ပညာရှင်တို့က အိုင်ဒီယိုလိုဂျီ ပဋိပက္ခသည် တခြားသော မျက်နှာဖုံးဖြင့် ထပ်မံပေါ်ပေါက်လာသည်ဟု ဆိုကြသည်။

Continue Reading

အကောင်းမြင် အဆိုးမြင်နဲ့ တာဝန်မဲ့သူ

လွန်ခဲ့တဲ့ ရက်သတ္တပတ် သုံးပတ်လောက်ကပေါ့၊ ဂျာနယ်တစ်စောင် ကောက်ဖတ်လိုက်မိတယ်၊ (ဘာဂျာနယ် ဆိုတာတော့ မမှတ်မိတော့)၊ အဲဒီမှာ “အကောင်းမြင်သူ၊ အဆိုးမြင်သူ” ဆိုတာနဲ့ ပတ်သက်လို့ အင်တာဗျူး ပုံစံလေး မေးထားတာ တွေ့ရတယ်၊ အဖြေ တော်တော်များများက ကျွန်တော် မြင်ဖူး ဖတ်ဖူးနေကျ ပုံစံတွေပဲ၊ (တည့်တည့် ပြောရရင်တော့ ရင်ကို လာမမှန်ဘူး ဆိုပါတော့) အဲ ကိုရဲရင့် အလှည့်ရောက်တော့ ကျွန်တော့်မှာ အကောင်းမြင်နဲ့ အဆိုးမြင်တို့ ကြားမှာ “တာဝန်မဲ့သူ” ဆိုတာ ရှိသေးတာပါလားလို့ အသိလေးတစ်ခု မမျှော်လင့်ပဲ ရလိုက်တယ်၊ အဲဒီ အသိလေးကို ပြန်ဝေငှလိုက်တာပါ၊ ကျွန်တော့်လို လူမျိုးတွေ အတွက်ဆိုပါတော့၊ တော်ပြီးသား၊ တတ်ပြီးသား၊ နားလည်ပြီးသား၊ ပြည့်ဝပြီးသား လူတွေ အတွက် မရည်ရွယ်ပါဘူး။

ကဲ သူစကားလေးကို နားထောင်ကြည့်ရအောင် …..

Continue Reading

အမှန်တရားများစွာ

(အတွေးအမြင်၊ ဂျူလိုင်၊ ၂၀၀၉) ထဲက ဆရာလား ဆရာမလားတော့ မသိပါဘူး၊ (တီတီထွန်း) ရဲ့ “ဘာကို သိရမလဲ”ဆိုတဲ့ ဆောင်းပါးထဲက ကောက်နုတ်ချက်လေးပါ။ ဟိုး အရင်က ကျွန်တော် ကြိုက်နှစ်သက်ခဲ့ ဖူးတဲ့ အတွေးအခေါ်မျိုး ဖြစ်တယ်လို့ ဝန်ခံချင်ပါတယ်။ ဒါပေမဲ့ အဲဒီတုန်းက ကျွန်တော် မတွေးမိခဲ့တဲ့ မေးခွန်းတစ်ခု နောက်ပိုင်းမှာ ပါလာတာနဲ့ ခင်ဗျားတို့ကိုလည်း ဖတ်ကြည့်စေချင်လို့ ။

မေး။ အမှန်တရားဆိုတာဘာလဲ။ အမှားတရား ဆိုတာရောရှိလား။

ဖြေ။ လူမှာ အလှရှိသလို နွားတို့ ဒိုင်းတို့မှာလည်း အလှဆိုတာရှိတယ်။ ဒီအရာတွေဟာ တစ်ခုနဲ့တစ်ခု သဘာဝချင်း မတူကြပေမယ့် သူတို့မှာ “လှခြင်း”ဆိုတဲ့ အရည်အသွေးက တူနေကြပြန်တယ်။ ဒီလိုတူတဲ့ အရည်အသွေးကို “အလှတရား” လို့ခေါ်ရမယ်။ ကျွန်တော့် အတွက်လည်း မှန်တယ်။ ခင်ဗျား အတွက်လည်း မှန်တယ်။ မတစ်ထောင်သားတိုင်း အတွက်လည်း မှန်တယ်။ ဘယ်သူ့ အတွက်ပဲဖြစ်ဖြစ် ဘယ်အခြေအနေမျိုးမှာပဲ ဖြစ်ဖြစ် အမြဲအမှန်ကို အမှန်တရားလို့ ခေါ်ကြတာ။

Continue Reading

မြင်းလား ငန်းလား

ဘာလိုလိုနဲ့ ပို့စ်မရေးဖြစ်တာ ကြာသွားပြန်ပြီ၊ ဘာအကြောင်းရေးရင် ကောင်းမလဲ စဉ်းစားရင်းနဲ့ လျှောက်ရေး နေမိပေါ့။ သူငယ်ချင်းကတော့ အားပေးရှာပါတယ်။ “ညီမင်းခ၊ လုပ်စမ်းပါ၊ ပို့စ် ကောင်းကောင်းလေးတွေ ရေးစမ်းပါ” တဲ့။

ပို့စ် ကောင်းကောင်းဖြစ်အောင် ဘယ်လိုရေးရမလဲ၊ နည်းပညာအကြောင်း ရေးရအောင်လည်း ကိုယ်က ဘာမှဟုတ်တိပတ်တိ တတ်တာမဟုတ်ဘူး၊ ရသစာပေလိုမျိုးလည်း မရေးတတ်ဘူး၊ ဘာသာရေးအကြောင်းလည်း ရေးတဲ့လူကများ၊ ကျောင်းတုန်းက သူငယ်ချင်းတွေ အကြောင်း၊ ငယ်ရည်းစားအကြောင်းနဲ့ လက်ရှိ ရည်းစားတွေ အကြောင်းလည်း မရေးချင်၊ ဘာမှမထူး၊ စာအုပ်ထဲက စာတွေကိုလည်း ကူးမချချင်၊ ခက်တော့နေပေါ့၊ ဝမ်းစာ ခေါင်းပါးလိုက်တာလည်း လွန်ရောပဲ၊ သူများတွေ ဟောတစ်ပုဒ်ဟောတစ်ပုဒ် ရေးနေကြပေမယ့် ကိုယ့်မှာတော့ စာရေးမယ်လည်းလုပ်ရော တွေးထားတာတွေတောင် ဘယ်ကဘယ်လို ပျောက်ပျောက်ကုန်မှန်းမသိဘူး၊ ဒီကြားထဲ “ကိုယ်ရေးတဲ့စာကို ဖတ်တဲ့လူ တွေအတွက် တစ်ခုခုတော့ ရစေချင်တယ်”လို့ ကြီးကြီးကျယ်ကျယ် တွေးမိသေး။

Continue Reading